Kabataan: Pag-asa nga ba ng bayan?

KABATAAN: Pag-asa nga ba ng bayan?

"Ang kabataan ay pag-asa ng bayan", katagang iniwan ng ating bayaning si Rizal na hanggang ngayon ay maririnig pa rin sa buong sambayanan.

            Tayong mga kabataan ang siyang magbibigay ng magandang kinabukasan sa ating bansa. Ihahaon natin ito sa kahirapan at ibibigay natin ang hinahangad nitong kasaganahan. Ito ay ilan lamang sa mga kaugalian at katangiang inaasahan ng mamamayan na taglay ng bawat kabataan para sa ikauunlad ng ating bayan.

           Ngunit nasaan na nga ba ang mga pag-asa ng bayan? Ito ba yung mga kabataang lulon sa droga? Ito ba yung nag-aaksaya ng oras at pera sa paglalaro sa mga computer shop? Ito ba yung mga kabataang nasa murang edad pa lamang ay meron nang sariling pamilya? Kung ito ang iyong pagbabasehan, masasabi mo pa rin ba na kabataan ang pag-asa ng bayan? 

                      Katulad ng mga bagay na “instant”, dahil sa salitang ito, akala ng mga kabataan, lahat ng naisin nila ay madali lamang makamit ng hindi pinaghihirapan. Sa pagkain, madaling pantawid-gutom ang mga “instant” ngunit kulang naman sa sustansya at bitamina. Kaya maraming sakit na naglalabasan ngayon dahil sa kakulangang ito. Ang mga makabagong teknolohiya katulad ng computer, TV, at iba pa ang nagiging daan upang madagdagan ang ating kaalaman, ngunit ito rin ang nagiging dahilan kung bakit nalilihis ang kaalaman ng ating mga kabataan sa tunay na kalagayan ng lipunan.

         Ang pagkakaroon ng pag-asa para sa bayan ay isang maliit na bagay lamang ngunit napakalaki ng naibibigay nito sa lahat. Naisip ko lang, kung lahat tayo hindi mawawalan ng pag-asa, siguro magiging inspirasyon ang bawat isa upang kumilos at gumawa ng maganda para sa bayan.

         Tayo na at mag tulungan.Tayo ang inaasahan ng ating mga magulang na mag aahon sa kanila sa putik ng kahirapan.Ang panahon ng pag kilos ay ngayon. Patunayan natin sa buong mamamayan na tayong KABATAAN ANG PAG-ASA NG BAYAN.

Pilipinas: overpopulated?

PILIPINAS: 

(OVERPOPULATED or MISMANAGED?) 

             Overpopulated na nga ba ang Pilipinas?

         Para sa akin, hindi overpopulated ang Pilipinas. Ang populasyon lamang sa mga pangunahing lungsod ay hindi akma sa kapasidad nito, ito ang tinatawag na overcrowding. Ang magagamit na pinagkukunang yaman ay hindi kayang suportahan ang laki ng ating populasyon. Kaya ang overcrowding ay mas may kinalaman sa kapabayaan ng gobyerno sa sitwasyong ito.  

 Ang ekonomiya ng Pilipinas ay matatatag kasabay sa paglaki ng populasyon sa Pilipinas. Gayunpaman, ang pagtaas ng ekonomiya ay depende sa kakayanan ng populasyon na makabili. Mas maraming sanggol ang nabubuhay sa Pilipinas, mas maraming diapers ang maibebenta, nangangahulugan na ito ay magdudulot ng mataas na kita sa kompanya at mas malalaking sweldo sa manggagawa.

      Pero kung hindi kumikita ang isang pamilya, walng perang magagasta. Kung walang trabaho, gagamit na lamang ng alternatibong diaper ang mga bata. Itong klase ng sitwasyon ay hindi maganda para sa kompanya, maaaring umabot pa ito sa pagsasara ng mga planta na ikatatanggal ng marami sa trabaho. 

      Ang pagtaas ng krimen ay kasabay ng pagtaas ng populasyon sa Pilipinas dahil mas nagiging mahigpit ang kompetisyon para sa limitadong yaman ng ating bansa. 

      Kung ang pagkokontrol sa populasyon ng Pilipinas ay hindi 

opsyon, dapat maging handa ang lahat sa katakut-takot na ating kahihitnan.                                                                                                                                                                                                                                                                                                                                                     

Illegal Mining in the Philippines

ILLEGAL MINING IN THE PHILIPPINES

Alam mo ba ang mga masamang maaaring idulot ng pagmimina sa ating  lipunan? Naiisip mo ba kung gaano kalaking pagkawasak ang kaya nitong gawin? Alam mo ba na paubos na ng paubos ang pinagkukunang yaman sa buong mundo? Ako'y naniniwala na halos lahat ng tao ay alam kung ano ang na-iaambag ng pagmimina sa atin..at alam kong lahat tayo ay may alam sa maaaring maidulot ng pagmimina sa ating buhay sa paglipas ng panahon...

Alam nating lahat na ang pagmimina ang isa sa pinagkikitaan ng ating bansa dahil kaya nitong suportahan ang pangangailangang financial ng ating bansa. Alam nating lahat na ang mga mineral ay may katumbas na malaking halaga kaya nagdadala ito ng salapi sa ating bansa. Ngunit meron ding masasamang epekto ang pagmimina sa ating kapaligiran at ating kalusugan, at naniniwala ako na hindi ito alam ng nakararami dahil na rin sa kahirapan.

Kung iisipin natin, nawawasak ng pagmimina ang dapat na pinapanatili natin para sa mga susunod pang generasyon, at kinakailangan natin ng napakamaraming taon para ito ay manumbalik sa dati kung ititigil natin ang ganitong gawain. 

Ang mga tao ay napaka makasarili, di natin naiisip kung ano ang ating magiging kinabukasan, ang tanging iniisip lang ng tao ay ang pagkita ng pera kahita alam nila na may iba silang nawawasak o nasasagasaan sa kanilang ginagawa.

Pagcor City...

           PAGCOR CITY

         "Entertainment City"

Ang Department of tourism(DOT) ay umaasa na ang multi bilyong proyekto na  Entertainment City ng PAGCOR ay makakatulong sa pagkampanya ng "It's More fun in the Philippines" at  tutulong sa DOT na matamo ang pakay na 10 milyong turista ang bibisita sa Pilipinas pagdating ng 2016. Ayon sa Tourism Secretary na si Ramon Jimenez, ang nasabing entertainment complex ay magdadala ng 1 milyong turista sa ating bansa kada taon pag natapos na ang nasabing proyekto. 

Ang Pagcor Entertainment City ay hindi lamang tumututok sa sugalan, ito ay binubuo rin ng mga hotel, mall, restaurant, park at theme parks. Ang PAGCOR ay naglalayon na gawin ang Entertainment City na susi ng administrasyon upang paunlarin ang turismo sa Pilipinas. Kaya sinisigurado na ang bawat kabilang dito ay maging "world class" sa mga tuntunin ng kalidad ng serbisyo.

Ito ang mga benepisyong makukuha sa Entertainment City:
		Milyun-milyong turista ang mapagsisilbihan sa Entertainment City.
		1/10 ng mga turistang dumadayo sa Pilipinas ay nagmula sa Entertainment City Inaasahan din sa proyektong ito ang mahigit 14000 na trabaho ang mabibigay nito sa mga Pilipino. Ang Entertainment City, gayunpaman, ay sinasalungatan ng simbahang Katoliko dahil sa takot nito na ang proyekto ay nagpapalawak ng sugalan sa ating bansa. "Ang mga casino, as we see it now, ay nagiging pagkakataon talaga ng something that really influences negatively," - Bishop Deogracias Iniguez, pinuno ng  Commission on Public Affairs of the influential Catholic Bishops Conference of the Philippines (CBCP).

No to Privatization of Hospitals!

 

 NO TO PRIVATIZATION OF PUBLIC HOSPITALS!

“If you ask the health department–because we had a dialogue–the DOH admitted that is the same – corporatization is actually privatization. Right now, there are some aspects that are already privatized. If you corporatize, that means wholesale privatization.”—Rep. Luz Ilagan, Gabriela Partylist

Ang privatization ay isang salot sa ating lipunan na madalas nagreresulta sa higit pang gastos at mas mababang serbisyo para sa konsyumer. Ang privatization sa mga ospital ay mas nagpopokus sa kita ng korporasyon kaysa sa mga taong pinagsisilbihan nito. Sa saklaw sa buong mundo, ang tao ay nagdurusa at ang ekonomiya paudlot-udlot dahil sa "kahusayan" ng privatization. Marahil ang pinakamalaking napatay ng privatization ay dahil sa pampublikong serbisyo at programa na hindi naman talaga gustong makatulong sa ating naghihirap na populasyon. Gusto lamang nito ng mas mataas na mga kita para sa isang bulok na serbisyo. Ang mga pribadong kompanya lamang ang makakatanggap ng benepisyo dito habang ang ekonomiya at ang mga mamamayan ay naghihikahos sa hirap. Dapat itigil ng gobyerno ang pagbibigay sa pribadong pamilihan ang mga responsibilidad na sila dapat ang gumaganap. 

Paano na ang mahihirap? Meron pa rin bang lugar ang charity wards sa privatized government hospitals? Malinaw na hindi ang kasagutan dito. Ayon kay Rep. Teddy Casiño, ang charity wards ay mapapalitan ng pagtutustos sa mga PhilHealth card holders. Ang problema sa pagpupumilit ng gobyerno na palitan ang libreng government service ng PhilHealth coverage ay hindi lahat ng serbisyong pangkalusugan ay sakop ng PhilHealth.

Meron akong nabasa sa isang website na tungkol rin sa pagsasapribado ng pampublikong ospital.

"Contrary to the claim of the proponents, Corporatization of Public Hospitals is a “Disguised Privatization”:

a) Government’s abandonment of health as a basic social service to its people and transferring the responsibility of providing this and developing infrastructures to private corporation/entity;
b) More investments of private entities in health will mean expensive health services. Health as public service becomes a commodity, a BUSINESS;
c) It violates the people’s right to free access to health care services, the right of public health workers to job security, just wages and benefits, as health services become a BUSINESS;
d) Expensive health services in GOCC Hospitals cause delays in treatment and death of patients; It will result to increase of maternal mortality rate, because poor women and underpaid health workers will not be able to access free health care services;
e) Corporatization is not the solution to the dismal health condition of the people; that people’s health depends on the government fulfillment of its mandate and responsibility to people’s health and welfare, that the state should allocate adequate budget allotment for public hospitals to ensure and improve facilities, equipment, supplies and medicines, stop user’s fee scheme in public hospitals and allocate funds for health workers benefit."

Source: http://www.spcotabatocity.com/sp-cotabato-city-oppose-hb6069sb3130/

Hacienda Luisita

           

       HACIENDA LUISITA...

           "Reflection"

      Matapos ang mahigit 5 dekadang paghihintay, ang kataas-taasang hukuman, kasunod na nagbibigay ng isang TRO para sa pamamahagi ng lupa, ay sa wakas nagbigay na ng hatol sa kaso ng Hacienda Luisita: "Distribute the agricultural lands to it's tenant farmers".Sa desisyong ginawa ng Supreme Court, 14 na mahistrado ang nagsabing  ipaintabi muna ang opsyon ng mga tatanggap na mga magsasaka upang manatili bilang stockholders ng Hacienda Luisita.

        Ang 6,296 na makikinabang ng mahigit kulang-kulang na P1,330,511,500 mula sa pagbabago at pagbebenta ng ilang lupa. Ang datinh 6,435 hectares na lupa ay ngayon bumaba sa 4,334 hectares dahil ang ibang bahagi ng lupa ay ibinenta sa mga industrial companies. 

        Ang Hacienda Luisita ay naging isa sa mga pinakamatagal na kontrobersyal na isyu sa bansa dahil nasasngkot dito ang pamilya ng pinakabagong presidente ng republika ng Pilipinas, ang mga Cojuangco. Ang desisyong ginawa ng Supreme Court ay ang magtatapos sa mahabang bangayan tungkol sa pagmamay-ari ng lupa sa Hacienda Luisita sa pagitan ng mga Cojuangco at mga magsasaka roon.

        Ang paglutas ng Supreme Court ay may magandang epekto sa reporma sa agraryo sa bansa upang protektahan ang mga karapatan ng magsasaka, magbigay ng mga pantay-pantay na pagkakataon para sa mga magsasaka at mga may-ari ng lupa, upang madagdagan ang trabaho at magbigay ng patas na halaga para sa mga Pilipinong magsasaka upang mapaginhawa nila ang kanilang pamilya mula sa kahirapan.

        Ang Hacienda Luisita ay naging isang simbolo ng kasalukuyang estado ng agrarian reform sa Pilipinas bilang patungkol sa isyu ng pagmamay-ari ng lupa sa pagitan ng mga magsasaka na naghihirap sa hacienda laban sa mga mayayamang pamilya na nagmamay-ari ng lupa na umaabuso na sa mga karapatan sa lupa. Ito ay tumutukoy sa usapin kung sino ang nagmamay-ari at kung sino ang hindi, kung paano ginagamit ang lupa at kung sino ang nakakatanggap sa pagbabahagi ng mga ani ng lupa.

Agrikultura...

   

            AGRIKULTURA...

          (Importance of Agriculture)

 Ang agrikultura ng Pilipinas ay gumaganap bilang isang  mahalagang papel sa ating ekonomiya.  Kaya naman binibigyang prioridad ang pagbabago ng ating agrikultura para ito ay maging competitive sector. Para mapanatili ang paglawak ng national economy, kinakailangang mapanatili ang pag-unlad sa sektor ng agrikultura.                                                                                                                         

Ang agrikultura kasama na ang pangangaso at pangingisda ay may malaking ambag sa ekonomiya ng ating bansa, ang Pilipinas. Ang population ng Pilipinas ay may 70% na rural populasyon at 2/3 dito ay dumedepende sa pagsasaka bilang kanilang kabuhayan.

Sa alituntunin ng employment, kalahati ng labor force ay may kinalaman sa gawaing agrikultural. Ang naging kontribusyon sektor ng agrikultura  sa ekonomiya ng Pilipinas ay ang 23% na GDP noong 1995. Ang pagtaas ng GDP ng 2.3% ay dahil sa paglawak ng agrikultura ng Pilipinas.

5 Importansya ng Ekonomiya                                              

1. Ang pang-agrikulturang sektor ay nagbibigay ng pagkain.

2. Ang pang-agrikulturang sektor ay nagbibigay ng hilaw na materyales na kinakailangan sa paggawa ng ina't ibang produkto.  

3. Ang pang-agrikulturang sektor ay nag-aambag sa pag-angat ng ating ekonomiya sa pamamagitan ng export.

4. Ang pang-agrikulturang sektor ay nagbibigay trabaho sa mamamayang Pilipino. 

5. Ang umuunlad na pang-agrikulturang sektor ay may kakayahang suportahan ang iba pang sektor sa ekonomiya.

" Ganito ka importante ang agrikultura sa ating bansa at sa ating buhay kaya wag natin abusuhin ito..."